دخولالرئيسيةالبوابةمكتبة الصورس .و .جبحـثالتسجيل

شاطر | 
 

 بنات اليومين دول .... للشباب بس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر



مُساهمةموضوع: بنات اليومين دول .... للشباب بس   الأحد ديسمبر 28, 2008 12:27 am

بسم الله الرحمن الرحيم

قبل اى ضرب ( انا مش بتكلم على كل البنات طبعا )..انا بعبر عن وجهة نظر الشباب الى صعبان عليا وهقول شوية صفات كده ع الماشى

نبتدى فى اول صفة


1- النكد

مشفتش اى بنت مش بتحب النكد والنكد ليه صور كتير

الخناق عمال على بطال وتنكد على جوزها او خطبها الى يعينى بيكون غلبان
وبيستحمل ( اى والله احنا مظلومين بقينا زى الجمال من الى بيحصل فينا )

طيب مفيش خطيب ولا جوز يبقى التليفزيون وكام مسلسل درامى او فيلم وعلبتين مناديل وهات يا عياط

حتى الدراسة بعد اى امتحان لازم تخرج تعيط فى ايه يا بنتى مالك اصلى محلتش
النقطة الاخيرة فى الامتحان هسسسسسسسقط ( مع العلم ان النقطة دى فى سوال
اختيارى وهى حلته زيادة تاكيد)




2- الميول العدوانية

عمرك شفت بنت بتتفرج على مصرعة ؟؟؟

ايوة والله فى بنات كتير بتتفرج على مصارعة وحافظين اسماء المصارعين كمان
وحركتهم ...غير ان فى بنات كتير بطلات رفع اثقال- وتايكوندو- والعاب عنيفة
كتير ( يارب لما تعاكس متقعش فى ايد وحدة منهم)


3- الاسراف

بيحبو يشترو اى حاجة مش مهم هى ايه او بتعمل ايه او فايدتها ايه بس هى حاجة جديدة وخلاص غير اللبس والميك اب والجيم..الخ الخ

تعالى فى مرة اعمل دور جنتلة وقول لبنت انا عزمك فى اى مكان تحبيه بس تكون عامل حسابك وبايع بيتكم قبلها عشان تسدد الفاتورة
لان مفيش بنت هتدخلك محل كشرى ولا مطعم فول


4- الغيرة

الغيرة للبنت حاجة عادية للولد تبقى شك
طيب والبنت الى بتبص للبنات الى فى الشارع او الكلية او الشغل عشان تشوفهم
بيعملو ايه وتعمله ( تلقيها ديما تقولك هى فلانة حلوة كل ده ميك اب بس /
علانة دى اصلا كانت كذا وكذا وكذا ...)

5- العند

العند ده صفة منتشرة جدا بيحبو يعندو عشان يحسسو الشباب انه بيتفقو عليهم
تعالى كلم وحدة فى التليفون وقولها اقفلى تقولك لا انت الاول انت تصر انها
تقفل الاول هتعند معاك لحد مارصيدك يخلص والخط يقطع من عندك ( مهو طبعا
انت الى متصل ...يا جنتل )

6- البراءة المصطنعة والهدوء

البنت ديما تلقيها فى اول مرة تتعرف عليها بتكون هدية ولذيذة ودمها خفيف
ولو زعلتها بتسكت وممكن تعيط كمان...بعد فترة لو لمحت من غير ماتقصد
وزعلتها هتتمنى لو كنت فى قفص الاسد دلوقتى على الاقل ممكن يتفاهم معاك
عنها


تعالوا بقي نشوف الحب عند بنات اليومين دول ( خد بالك يا صاحبي لتروح في الكازوزة )

الحب عند البنات .. يسير وفقا لسياسة الباب الموارب ..
بمعنى أصح .. لا بيرحموا ولا بيسيبوا رحمة ربنا تنزل!


-(انت الوحيد اللى قدر يفهمنى من أول مرة.. عارف أنا لو فكرت أتجوز بعد
الشر.. بعد الشر.. يعنى أكيد هأتجوزك .. بس بجد احنا أصحاب.)الكام كلمة
دول هما الكلمات الاكثر تداولاً لدى البنات وهما طريقهم وملخص لاسلوبهم فى
التلاعب علينا يا ولاد يا مساكين قدام كيدهن العظيم ، تلاقى البنت من دول
من أول مرة تشوفك فيها وأسلوب كلامها يتغير وتبدأ تقرب منك ولو اتشديت
ليها أكيد انت كمان حتقرب لها وبمجرد ما تقرب انت منها تبدأ هى ترسم خط
بينكم أو شعرة بتسيبها دايما بين انكم تكونوا أصحاب أو بتحبوا بعض هى
بتكون خايفة انها تحبك وانت ما تحبهاش فعشان ما تطلعش ضعيفة أو يكون الحب
من طرف واحد بتقوم تظهر وكأنها صديقتك وليست حبيبتك ، تبقوا مع بعض فى
الجامعة وقاعدين بتتكلموا فى أى حاجة وفجأة تسييبك وتقعد تتكلم مع أى حد
من أصحابها التانيين ولما تيجى تعاتبها ترد علك بكل سذاجة : فيه ايه ..
انت بتغير على ؟!"

وكأنها لا تسأل بل تتعجب وكأنها تقول " فوق يا أحمد احنا أصحاب " وتبدأ
انت بالتعامل مع الموقف على هذا الاساس وتنحى مشاعر الحب جانبا وتبدأ
تتعامل معها على أنها صاحبتك لغاية ما تفوق تحبك ولو حصل وشافتك واقف مع
بنت بتتكلم معاها فترة طويلة أو اتخانقت مع ولد عشان بنت تانية تقوم تقولك
وهى بتزعق " انت سايبنى واقفة هنا وعمال تتخانق وتتسرمح مع البنات؟ "

تقوم ترد عليها بكل سذاجة " ايه .. انت بتغيرى عليا ولا ايه؟! " ويعود
الشد والجذب ولما تحس ان الشعرة اللى بينكم بدأت تكبر تقوم ترفعها وتقرب
تقطعها وتقولك لو سمحت ما تكلمش فلانة أصلى مش بأستريح لها خالص ولا فلانة
عشان مسهوكة زيادة عن اللزوم ولا فلانة ولا فلانة ولا فلانة ولو كلمت
فلانة الفلانية دى بقى يبقى تنسى إنك عرفتنى خالص ..
لتطول مقصلتها رقاب كل البنات اللى على موبايلك لتعود وتسألها " ايه انت بتغيرى ؟"

وكرد فعل لهذه الخية المفاجئة منها والغيرة المفاجئة برضه تبدأ انت تحن
وتقرب منها أكثر.. وتخفف كلامك مع الناس اللى هى بتكرههم وبعدين يا أخى
فجأة وبدون سابق انذار تيجى تقولك " على فكرة يا أحمد أنا كنت عاوزة أقولك
على حاجة مهمة أنا فى واحد حبيته وبما اننا أصحاب كان لازم أنت اول واحد
يعرف" تمالك أعصابك وما تسبلهاش عنيك , عادى هى دى البنات وأكثر من كده ،
الطبيعى والمفروض انك تقولها " بصراحة أنا ما كنتش مصدق اننا متوافقين
بالشكل الغريب ده.. أنا كمان فيه واحدة بأحبها وكان لازم تكونى أول واحدة
تعرف" _ نصيحة _اختار احدى الفلانات التى اشتكت منهن ولتكن أول فلانة فى
قائمة الممنوعات وعلى ضمانتى ستقطع الشعرة وتحرقها.


ودلوقتي مع اللغة بتاعتهم التي لا يفهمها الا الي جربها منهم
( واحد مجرب الي قال الكلام دا )

نعم = لا
لا = نعم
ممكن = إستحالة
أنا آسفة = سامحنى على إللي هيحصلنا
محتاجة موبيل جديد = هاتلي موبيل وإلا 000(شتيمة )وإبقى شوف
إعمل إلّي إنت عاوزه يا حبيبى = هتدفع الثمن غاااااالي

عاوزين نتناقش فى موضوع = عاوزة بس أعرفك أنا هعمل إيه

القرار قرارك يا حبيبى = ورّينى كده هتعمل إيه ؟؟
لا عادي أنا مش زعلانة = وحياة أمك لتشوف

إنت زى القمر النهاردة = إيه القرف ده ؟؟ يا شيخ روح إحلق دقنك
خليك رومانسي واطفي النور = نام بقى واتخمد زهقتني

أنا عاوزة شوية عفش فى البيت = أنا هغير عفش البيت كله
أنا باسمع صوت مزعج وأنا نايمة = إنت بتشخر وانت نايم يا لوووح

إنت بتحبني قد إيه يا حبيبى = أنا عملت مصيبة سوده النهاردة

أنا هاكون جاهزة فى دقيقة يا حياتي = إقلع هدومك واتفرج على الفيلم أنا قدامي ساعة
في حاجات لازم نتعلمها فى حياتنا = لازم تتعلم توافق على كل كلامى

إنت سامعنى يا حبيبى؟ = إنت أطرش مش بانادي عليك يابارد

إنت بتحبني يا حبيبي ؟ = ما انا عارفة !! إدفع بقى

لو عملت حاجة يا حبيبى لازم أعرف = أنا هطلع عينك لو عرفت عنك حاجة


لقد اعلنا الحرب فلا مجال للاستسلام ولا الرجوع ولا الهدنة
الرجوع الى أعلى الصفحة اذهب الى الأسفل
osama al sherbeny
عضو شغال
عضو شغال


ذكر
عدد الرسائل : 36
العمر : 33
تاريخ التسجيل : 05/01/2009

مُساهمةموضوع: رد: بنات اليومين دول .... للشباب بس   السبت يناير 17, 2009 2:43 am

تسلمى يا مونى على الموضوع

بس صوابع ايدك مش زى بعضها

نحن نختلف على الاخرين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
????
زائر



مُساهمةموضوع: رد: بنات اليومين دول .... للشباب بس   السبت يناير 17, 2009 10:48 am

روتانا سينما مش هتقدر تغمض عنيك Smile
الرجوع الى أعلى الصفحة اذهب الى الأسفل
????
زائر



مُساهمةموضوع: رد: بنات اليومين دول .... للشباب بس   الخميس فبراير 05, 2009 3:13 am

lol!
الرجوع الى أعلى الصفحة اذهب الى الأسفل
 
بنات اليومين دول .... للشباب بس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Wellcom to Jamaica Planet :: كلام X كلام :: كلام جامد-
انتقل الى: